RPM Fest – Уште едно успешно издание во Штип
На покана од колегите од RPM MK, Korrmotive присуствуваше на овогодинешниот RPM Fest кој се оддржа во Штип на 15 ноември. RPM Fest е настан посветен на македонскиот автомобилизам, а и мотоциклизам, и е најблиското нешто до вистински саем за автомобили на нашиов простор моментално.
Повеќе автомобилски импортери и брендови беа присутни на настанот со повеќе изложени модели, меѓу кои Mazda, Renault, BYD, Dongfeng, JAC, Peugeot, BAIC, GWM и уште некои други. Беа изложени и возила на тимот на RPM, т.е црниот Porsche Boxster 986, како и Renault Twingo кое изгледа спремно да совлада било каков терен. Бонус поени за стикерите на Twingo-то :)
Освен што имаше изложени примероци за публиката подобро да ги запознае, некои од брендовите нудеа и тест возење на лице место. Освен автомобилските брендови, на настанот се придружи и Hamachi, штипската компанија која е фокусирана на возила на две тркала; Zontes, Benda, CFMOTO и уште некои други брендови, а ја изложија и понудата на целосно електрични автомобили.
Други истакнати учесници беа Auto Spa Detailing, кои ја имаа изложено речиси целата гама на сопствени производи за нега и чистење на автомобили, како и, да кажеме, службениот Mk6 VW Golf GTI, All-Electric со електрични возила на две тркала, меѓу кои тротинет и cross мотоцикл за најмладите, како и Battery Evolution – првиот засебен сервис за електрични и плаг-ин хибридни возила во Македонија, кој наскоро ќе се отвори во скопската населба Ченто.
Едно искрено благодариме до Кирил и тимот на RPM MK за поканата, а вас ќе ве оставам со неколку фотки од настанот. Како што оди мудроста, само за вакви убави работи да се гледаме во иднина!
Слика 1 од 32



