Genesis го претстави освежениот GV80, како и новата Coupè изведба
Премиум брендот на Hyundai групацијата Genesis веќе се проби на глобалниот пазар како вистински конкурент во премиум сегментот. Еден од најпознатите модели на брендот, GV80, штотуку доби освежување, а фејслифтот со себе донесе и купе изведба, GV80 Coupe.
Genesis GV80 Coupe е најновиот конкурент во популарната класа
Од надворешноста нема некои големи разлики помеѓу фејслифтот и претходната изведба. Мали дотерувања кај светлосните групи, предната маска, задниот браник, и неколку нови дизајни на тркала. Фокусот е на GV80 Coupe изведбата.
Речиси сите брендови во рингот на премиум автомобили нудат некаков купе SUV, најчесто и повеќе од еден. Со воведување на купе изведба на својот досега најголем SUV модел, Genesis се приближува повеќе кон конкуренцијата и кон зголемување на бројките на продажба.
Нов V6 aгрегат со повеќе од 400 коњски сили
Друг важен новитет е засилениот агрегат под поклопецот на GV80 Coupe. Регуларниот GV80 ги заддржува стандардните опции од тековната генерација, и тоа 2.5-литарски турбо четирицилиндрец со 304 коњски сили и 422 Nm вртежен момент, и 3.5-литарски турбо V6 со 380 коњски сили и 530 Nm вртежен момент.
Купе изведбата го наследува засилениот 3.5-литарски V6 агрегат од големиот знаменосец G90, кој додава 48V електричен суперполнач за вкупен износ од 415 коњски сили и 549 Nm вртежен момент. Освен подобрите перформанси, посилниот V6 исто така додава Sports+ режим на возење, како и launch control.
Внатрешноста на GV80 ја добива најновата технологија
Големи промени наоѓаме и во ентериерот на GV80. Новиот 27-инчен непрекинат екран ги заменува двата посебни екрани на тековниот модел, и двата доаѓаат со најновиот софтвер за инструментите, како и за инфозабавните соддржини.
И покрај новата технологија, Genesis и понатаму ги заддржуваат физичките контроли за клима уредот, како и новото тркалце за менување на преносот, инспирирано од електричниот GV60.
Како што би очекувале, GV80 нуди и доста подобрувања во однос на технологијата, и во развиените системи за асистенција при возењето. Паметен темпомат, следење на коловозната лента, како и автоматско возење на автопат се само дел од системите за асистенција. На нив се приклучуваат и state of the art системи за безбедност. Освен 10 воздушни перничиња, GV80 доаѓа со систем за спречување сообраќајна несреќа, како и сите системи за помош при паркирање кои ви текнуваат во моментов.
Новите Genesis GV80 и GV80 Coupe се моментално изложени во Кореа, а ќе пристигнат на глобалните пазари во текот на 2024 година. Моментално не се достапни информации околу цените.
