Неоддамна Korrmotive беше на терен во салонот на Geely за да го видиме Starray EM-i за прв пат од блиску. Вчера, на 08.04, Starray EM-i ја имаше и својата официјална премиера во Македонија на after work забава во салонот.
Освен белиот Starray EM-i, кој наскоро ќе пристигне на тест, имаше и варијанта во прекрасна темнозелена боја внатре во салонот. Подиумот им го отстапија и на Александар Михајловски, т.е Син на Мајка и Антонио Ташковски т.е 1Човек, за малку да се посмееме и да ни го кренат расположението, а со тоа се најави и нивната официјална соработка со Делфино Мобилити Груп.
Што се однесува до перформансите:
Новиот Starray EM-i носи напредна плаг-ин хибридна технологија, комбинирајќи 1.5 литарски бензински мотор со електромотор и батерија од 18.4 kWh. Овој спој овозможува електрична автономија до 83 километри, додека вкупниот досег достигнува речиси 950 километри и со комбинирана потршувака од 2.4 л на 100 км. Забрзувањето до 100 km/h за само 8.1 секунди дополнително ја нагласува неговата динамичност.
Атмосферата беше одлична, а и дознав дека Starray EM-i веќе постигнал огромен успех, и вака делува како да е заслужено, но ќе дознаеме повеќе наскоро. Подолу можете да погледнете уште по некоја фотографија од настанот. Благодарам на Geely Македонија за поканата!
