Не е тајна дека најпрофитабилни модели во автомобилската индустрија се SUV моделите. За брендовите во добри положби, тоа значи уште повеќе SUV модели, а за оние кои се во потешка ситуација, тоа значеше експресна инвестиција и развивање на нови SUV возила.
Тоа беше случајот и со Alfa Romeo, кои влегоа во битката на профитабилни компактни SUV модели со Tonale.
Tonale ужива во солидни бројки моментално, и профитабилноста на брендот се качува. Сега, извршниот директор Jean Philippe Imparato е заинтересиран за хечбек модел во блиска иднина.
Последниот хечбек модел од Alfa Romeo беше Giulietta, кој си замина од пазарот во 2020 година без директен наследник. Во тој период, Alfa Romeo се подготвуваше за преродба со која целеа да станат поголем конкурент во премиум пазарот.
Оваа преродба помина сосем успешно. Во 2023 година, Alfa Romeo гледа солиден раст на продажба, и Tonale е на пат да стане бестселер во премиум C-SUV класата. Вооружани со оваа нова профитабилност, Alfa Romeo повторно разгледува опции за хечбек модел.
„Не сум баш убеден во тоа дека не правиме профит, дури и со хечбек возило.“ беа зборовите на Imparato. Краток, но сепак интригирачки коментар.
Веројатно е дека хечбек моделот на Alfa Romeo ќе биде поставен на една од STLA платформите, Small или Medium, во зависност од тоа дали ќе биде духовен наследник на Giulietta или пак MiTo.
Со оглед на тоа дека Alfa Romeo ќе нуди исклучиво електрични автомобили од 2027 година, ќе претпоставам дека новиот хечбек модел ќе биде исклучиво електричен исто така. Сепак, ова се добри вести, и доколку растот на Alfa на пазарот продолжи исто вака, сигурен сум дека ќе го видиме новиот хечбек модел во блиска иднина.
