Изминативе неколку дена, Аutomobili Group, официјалниот увозник за Land Rover во Македонија организираше една интересна авантура за сите сопственици на Defender. Ајде да разгледаме малку подетално.
Авантурата започна пред салонот на Аутомобили Груп во Скопје, каде што беа наредени 10 различни изведби на Defender, меѓу кои и верзија со Kahn модификации што мене лично најмногу ми фати око.
Од тука, сопствениците и нивните сопатници се упатија на Козјак, конкретно кон резерватот Јасен за вистински да се истестираат способностите на Defender. Од тоа што јас имам разбрано, тие способности ги има еден куп.
Крајната дестинација за ова патување беше Grizzly Igloos на Козјак, каде што учесниците биле пречекани со атмосфера на ниво, за која придонеле едно детално гастрономско искуство приготвено од страна на шеф Александра Атанасовска, која сигурно ја знаете како Alex Pucci, и музичко уживање приредено од саксофонистот Горан Папаз, кој порано беше саксофонист во познатиот рок бенд Суперхикс.
Имав шанса да ги видам десетте Defender модели како тргнуваат од пред салонот, и навистина беше едно интересно искуство. Општо ретко кај нас гледаме Defender, а камо ли 10 одеднаш.
Оваа авантура мене ми се чини како сосем соодветна за Defender тип на животен стил. Планинско истражување, тестирање на теренски способности, па потоа уживање во добра храна и музика во планински центар.
Тука е исто добар момент да спомнам дека трите продукт линии на Land Rover, Defender, Discovery и Range Rover, се сега издвоени и секоја од нив доаѓа со различно значење и таргетира посебен тип на клиент. Една од целите на оваа авантура доаѓаат до израз силните страни и животниот стил кој ги асоцираме со Defender, и мислам дека успешно го постигнаа тоа.
Подолу може да погледнете некои фотографии од авантурата. Ако сте од телефон, свртете хоризонтално за да ги видите убаво :)
